Elordada birneshe jaıaý júrginshiler ótkeli alynyp tastaldy
ASTANA. QazAqparat - Qalada úsh rettelmeıtin qıylystaǵy jaıaý júrginshiler ótkelderi alynyp tastaldy. Atap aıtqanda, Respýblıka dańǵylynda «Jastar» saraıyna qarsy, Turan dańǵylynda «Dýman» oıyn-saýyq ortalyǵyna qarsy jáne qalalyq ákimdiktiń janynda Abaı dańǵylynda ornalasqan ótkelder baǵdarsham nysandarynyń janynda bolǵan. Avarııalyq jaǵdaılardy boldyrmaý jáne jaıaý júrginshilerdi qaǵyp ketý sııaqty JKO-lardyń aldyn alý maqsatynda ótkelder alynyp tastaldy, dep habarlaıdy qalalyq ákimdiktiń baspasóz qyzmeti.
Astana qalasynyń ІІD Ákimshilik polıtsııa basqarmasy jol jáne tehnıkalyq ınspektsııa bóliminiń basshysy, polıtsııa maıory Berik Joldasbekovtyń aıtýynsha, qalada rettelmeıtin 500 jaıaý júrginshiler ótkeli bar, al alynyp tastalǵan úsheýi eń qaýipti ýchaskeler bolyp sanalǵan.
- Respýblıka jáne Turan dańǵyldary birinshi sanattaǵy joldar bolyp tabylady - bul alty jolaqty joldar, sondyqtan onda jerústi nemese jerasty ótkelder nemese retteletin baǵdarsham bolýy kerek. Qazirgi kezde taldaý júrgizip, qalanyń basqa ýchaskelerin de zerttep jatyrmyz, - dedi Berik Joldasbekov.
Baǵdarsham nysandarynyń janynda ornalasqan JKO jıi oryn alatyn jaıaý júrginshiler ótkelderi anyqtalǵan jaǵdaıda, olar alynyp tastalady.
