Elordada birneshe nysanǵa «bomba qoıyldy» degen jalǵan aqparat tarady
NUR-SULTAN. QazAqparat – Nur-Sultan qalasynda birneshe nysanǵa bomba qoıylǵany týraly jalǵan habarlama tarady, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.
«Búgin «102» arnasyna «My car» jáne «Lexus» avtosalondarynyń, sondaı-aq «Han Shatyr» jáne «Mega Silk Way» saýda jáne oıyn-saýyq ortalyǵynyń elektrondy mekenjaıyna jarylǵysh qurylǵylar qoıylǵany týraly habar kelip túsken», - deıdi polıtsııa departamentinen.
Habarlamada aıtylǵandaı, qazir jedel qyzmet atalǵan nysandardy tekserýmen aınalysyp jatyr.
Osy oraıda Nur-Sultan qalasynyń Polıtsııa departamenti jarylǵysh qurylǵylardyń qoıylǵany týraly kórineý jalǵan habarlama taratqany úshin qylmystyq jaýap kózdeletinin eskertedi.
«Azamattardan dúrbeleń týdyrmaı, ótkizilip jatqan is-sharalarǵa túsinistikpen qaraýlaryńyzdy suraımyz», - delingen málimette.
