Elordada birneshe eldiń jas ártisteri óner kórsetýde
ASTANA. QazAqparat - «Ubuntu» halyqaralyq balalar jáne jasóspirimder shyǵarmashylyǵy konkýrsynyń jáne «Capolavoro di dombra 2018» qazaq ulttyq halyq aspaptary festıvaliniń jas ártisteri elordalyq kórermenniń kóńilinen shyqty, dep habarlaıdy QazAqparat tilshisi.
Astana qalasynyń 20 jyldyǵy men Qazaqstannyń Táýelsizdik kúnine arnalǵan festıval-konkýrs eki kún boıy ótýde. Oǵan Qazaqstannyń barlyq óńirlerinen, sonymen qatar Qyrǵyzstan, Armenııa jáne Qytaıdan 5-pen 24 jas aralyǵyndaǵy jas oryndaýshylar, vokaldyq ujymdar, ansamblder men orkestrleri, teatr stýdııalary qatysty.
«Bul baıqaýǵa Qaraǵandy oblysynyń Qarqaraly qalasy atynan qatystym. Dombyramen halyq ánderin aıtyp júrgenime 8 jyl boldy. Buǵan deıin biraqatar baıqaýda bas júlde alyp, júldeger atanǵan edim», - dedi Alena Berǵazyqyzy.
Al 16 jastaǵy Arýjan Qýandyq mundaı baıqaýdyń jas daryndarǵa bereri mol ekendigi atap ótti.
«Qobyzben aınalysqanyma boldy. Bul baıqaýǵa jeńý, tym bolmaǵanda júldeli oryndarǵa iligý úshin kelip otyr. Baıqaý óte jaqsy ótip jatyr, oǵan talantty jastar qatysty», - dedi ol. 
