Elordada birqatar jańa densaýlyq saqtaý nysandaryn ashý josparlanýda
ASTANA. 11 qańtar. QazAqparat - Astana qalalyq Densaýlyq saqtaý basqarmasynyń málimeti boıynsha elordada densaýlyq saqtaýdyń birqatar jańa nysandaryn ashý josparlanýda. Olar - sol jaǵalaýdaǵy 500 adam qabyldaıtyn ambýlatorııalyq-emhana kesheni, 250 tósektik balalardyń juqpaly aýrýlar aýrýhanasy, 150 adamdyq emhanasy bar 250 tósektik medıtsınalyq-áleýmettik ońaltý ortalyǵy, aýysymyna 350 adam qabyldaıtyn eresekter emhanasy, sondaı-aq, aýysymyna 150 bala qabyldaıtyn emhana. Bul týraly Astana.kz saıtynan habarlandy.
«Densaýlyq saqtaý men ult densaýlyǵy bizdiń keleshegimizdiń negizi bolyp tabylady. Muny óziniń Qazaqstan halqyna arnaǵan bıylǵy «Qazaqstan - 2050» Strategııasy: qalyptasqan memlekettiń saıası baǵyty Joldaýynda Elbasy Nursultan Nazarbaev atap kórsetken bolatyn. Eske salaıyq, Astanada sońǵy 2012 jyldyń 1 jeltoqsanynda ashylǵan medıtsına nysany - aýysymyna 500 adam qabyldaıtyn jańa ambýlatorııalyq-emhana kesheni bolyp tabylady», - delingen habarlamada.
