Elordada birqatar kóshede kólik qozǵalysy shekteledi
ASTANA. QazAqparat - Astana qalalyq ІІD elordada búginnen bastap jabylatyn kóshelerdi atady, dep habarlaıdy QazAqparat.
ІІD baspasóz qyzmetiniń málimetinshe, jóndeý jumystarynyń júrgizilýine baılanysty Ardagerler kóshesi boıynda Qosshyǵululy kóshesinen Aqan seri kóshesine deıin 10 maýsymnyń saǵat 13.00-den 12 maýsymda saǵat 06.00-ge deıin kólik quraldarynyń qozǵalysy tolyq shekteledi.
Sonymen qatar, temir jol tósemin salý boıynsha jóndeý jumystarynyń júrgizilýine baılanysty Malahov kóshesi boıynda 10 maýsymda saǵat 22.00-den 11 maýsymda saǵat 06.00-ge deıin kólik quraldarynyń qozǵalysy tolyq shekteledi.
Polıtsııa qala turǵyndary men qonaqtaryna ýaqytsha qolaısyzdyqtarǵa túsinistikpen qarap, aldyn ala baratyn baǵdaryn josparlaýdy suraıdy.
