Elordada birqatar kóshe turǵyndary sýsyz qaldy
ASTANA. QazAqparat - Elordada dımetri 1000 mılımetrlik magıstraldy sý qubyry tesilip, birqatar kóshe turǵyny sýsyz qaldy. Bul jaıynda Astana qalasy Almaty aýdanynyń ákimi Ádilbek Sársembaev óziniń Feısbýktegi paraqshasynda jazdy, dep habarlaıdy QazAqparat.
«Almaty aýdanynyń qurmetti turǵyndary! Imanov pen Brýsılovskıı kósheleriniń qıylysynda dıametri 1000 mılımetrdik magıstraldy sý qubyry tesildi. Sý aǵyp jatyr. Qazirgi ýaqytta Asan qaıǵy kóshesinen Jubanovqa deıin atalǵan sý qubyryn ajyratý sharalary qabyldanǵan. Sýdyń ajyraýyna jáne qysymnyń buzylýyna baılanysty Imanov kóshesi, birqatar kópqabatty turǵyn úıler jáne jeke sektor sýsyz qaldy. Astana sý arnasynyń brıgadasy oqıǵa ornnynda jáne qalpyna keltirý jumystaryn júrgizýde. Sý qubyrynyń búlinýine kináli qurylys uıymyna qatysty zańnamada kózdelgen barlyq jaýapkershilik sharalary qabyldanatyn bolady. Demalys kúngi qolaısyzdyq úshin keshirim suraımyz», - dep jazdy Almaty aýdanynyń ákimi.
