Elordada birqatar kóshe tanymal tulǵalardyń esimimen atalady
«2022 jylǵy 28 sáýirde ótken qalalyq onomastıka komıssııasynyń otyrysynda elordada birqatar kóshe men saıabaqqa ataý berý máselesi qaraldy. Onyń ishinde Almaty aýdanyndaǵy A №24 kóshege Oral Muhamedjanovtyń esimin berý, A №40 kóshege Nurlan Balǵymbaevtyń atyn berý, A №62 kóshege Safýan Shaımerdenovtiń esimin berý qarastyrylyp otyr. Sol sııaqty Abylaı han dańǵylyndaǵy Dına Nurpeısovanyń eskertkishi ornalasqan saıabaqqa «Qazaq eliniń kúıshileri men kúıshi-kompozıtorlarynyń» alleıasy degen ataý berý usynylady», - dedi Nur-Sultan qalasy tilderdi damytý jáne arhıv isi basqarmasynyń basshysy Sáken Esirkep máslıhat otyrysynda jasaǵan baıandamasynda.
Sondaı-aq Esil aýdany boıynsha №202 kóshege Nurken Ábdirovtiń, E №101 kóshege Oljabaı batyrdyń, E №111 kóshege Sherhan Murtazanyń, E №324 kóshege Dúkenbaı Dosjannyń, E №325 kóshege Erkeǵalı Rahmadıevtiń, E №357 kóshege Aleksandar Syzǵanovtyń, E №486 kóshege Erkin Áýelbekovtiń, E №576 kóshege Qanaı bıdiń, E №577 kóshege Hamza Esenjanovtyń, E №578 kóshege Bopaı hanymnyń, E №579 kóshege Qaıreden Qarbaevtyń, E №580 kóshege Sabyr Nııazbekovtiń, E №582 kóshege Bertis bıdiń, E №607 kóshege Qurman Tastanbekovtiń, E №608 kóshege Sholpan Jandarbekovanyń, E №757 kóshege Aqseleý Seıdimbektiń, E №758 kóshege BAÁ-niń burynǵy prezıdenti Sheıh Halıfa ben Zaıd ál-Nahaıannyń, E №889 kóshege Barlybek Syrttanulynyń, E №890 kóshege Ermuqan Bekmahanovtyń, E №898 kóshege Tursynbek Kákishevtiń esimin berý usynyldy.
Buǵan deıin habarlaǵanymyzdaı qaladaǵy birqatar bilim berý oshaǵyna elimizge tanymal tulǵalardyń esimin berý usynylǵan edi. Sondaı-aq shaǵyn saıabaqty Ulybrıtanııa patshaıymy ІІ Elızavetanyń esimimen ataý usynysy jasaldy.
