Elordada birqatar qoǵamdyq kóliktiń qozǵalys baǵyty ózgerdi
ASTANA. QazAqparat - 20 jeltoqsannan bastap birqatar qalalyq baǵdardyń qozǵalys kestesine ózgerister engiziledi.
«Qyrqynshy» temirjol stansasy aýmaǵynda ornalasqan Astana qalasy Týberkýlezge qarsy dıspanserdiń jańa ǵımaratynyń paıdalanýǵa berilýine baılanysty №22 avtobýs baǵdarynyń atalǵan densaýlyq saqtaý nysanyna deıingi jekelegen qozǵalys kestesine ózgertýler engiziledi dep habarlaıdy elorda ákimdiginiń medıa ortalyǵy qalalyq jolaýshylar kóligi basqarmasyna silteme jasap.
Ózgertilgen qozǵalys syzbasynyń baǵyty № 22a dep belgilenedi.
№ 22a baǵdarynyń qozǵalys syzbasy: «Temirjol vokzaly» bastapqa aıaldamasynyn «KazGerStroı» JShS» aıaldamasyna deıin ózgerissiz, budan ári - J. Jabaev kóshesi - Ekibastuz kóshesi - Erkinshilik aýyly baǵytynda tas jol - Týberkýlezge qarsy dıspanserge kirme jol - sońǵy aıaldama «Astana qalasy Týberkýlezge qarsy dıspanser». Keri baǵytty uqsas qozǵalys syzbasy boıynsha. («Jeleznodorojnyı t/a sońǵy aıaldamasyna kirmeıdi»).
Sondaı-aq, basqarmada málimdegendeı, «Kóktal-2 t/a» aýmaǵynda ornalasqan mamandandyrylǵan halyqqa qyzmet kórsetý ortalyǵyna (AHQKO) deıin qosymsha kóliktik qyzmet kórsetýdi qamtamasyz etý maqsatynda №4 qalalyq baǵdardyń jekelegen qozǵalys kesteleri uzartylady.
