Elordada birinshi synypqa baratyn 22 balaǵa áleýmettik kómek kórsetildi

ASTANA. 31 tamyz. QazAqparat - 1 qyrkúıek qarsańynda turmysy nashar jáne kóp balaly otbasydan shyqqan 20-dan astam balaǵa mektep jabdyqtary berildi. Bul týraly astana.kz saıtyna Balalardyń quqyǵyn qorǵaý basqarmasynan habarlady.

Іs-shara «Mektepke jol» aktsııasy aıasynda №52 mektep-gımnazııasynyń bazasynda ótti.

«Turmysy nashar jáne kóp balaly otbasylardan shyqqan balalarǵa mektep formasy, keńse taýarlary, aıaq kıim, kúrtesheler men etik túrinde materıaldyq kómek kórsetildi»,- dep habarlady vedomstvodan.

Aktsııany Balalardyń quqyǵyn qorǵaý basqarmasy Din isteri basqarmasymen birlesip uıymdastyrdy.

Aıta keteıik, bıyl memlekettik mekemeler men jeke kásipkerlerden basqa, Nur-Astana meshiti de belsendi qatysýda.

Eske salaıyq, «Mektepke jol» respýblıkalyq aktsııasy 1 tamyz - 30 qyrkúıek aralyǵynda ótedi. Aktsııanyń maqsaty - turmysy nashar jáne kóp balaly otbasylardan shyqqan balalarǵa, jetim balalarǵa, ata-anasynyń qamqorlyǵynsyz qalǵan balalarǵa qoldaý kórsetý bolyp tabylady.