Elordada birinshi synyp oqýshylary elimizdiń Ata zańymen tanysady
Búgin Raıymbek batyr atyndaǵy №50 «Qazǵarysh» mektep-lıtseıiniń birinshi synybynyń 30 oqýshysy Konstıtýtsııa kúnine arnalǵan «Bilim álemine saıahat» alǵashqy sabaǵyn ótkizedi.
«Bolashaq birinshi synyp oqýshylary - Qazaqstan Respýblıkasynyń kishkentaı azamattary mektep tabaldyryǵyn attaı otyryp, elimizdiń Konstıtýtsııasynda jazylǵan ózderiniń quqyqtary men mindetteri týraly biletin bolady»,- deıdi is-sharany uıymdastyrýshylar.
Balalarǵa arnalǵan mereke 40 mınýttyq sabaq túrinde ótkiziledi, tek matematıka men ádebıettiń ornyna olar Bilim álemine qyzyqty saıahat jasaıdy, elimizdiń negizgi qujatyn ázirleý tarıhymen tanysady, Qazaqstan Respýblıkasynyń Tuńǵysh Prezıdenti - Elbasy N.Á.Nazarbaevtyń Ata zańymyzdyń jobasyn jasaýdaǵy róli týraly biledi. Murajaı álemine saıahat barysynda balǵyndar táýelsiz Otanymyzdyń tarıhynyń jarqyn tustarymen tanysady.
Balalar Konstıtýtsııa kúnine oraı mereke qonaqtaryna arnalǵan vokaldyq-horeografııalyq kompozıtsııa daıyndady. Birinshi synyp oqýshylaryna Qazaqstan Respýblıkasy Tuńǵysh Prezıdentiniń murajaıynda ótken alǵashqy sabaqtan estelik retinde syılyqtar men kádesyılar beriledi.