Elordada birinshi qazaqstandyq meıkaton qorytyndysy shyǵaryldy
ASTANA. QazAqparat - Búgin elordada «TOM: Qazaqstan» birinshi qazaqstandyq meıkatonnyń qorytyndysy shyǵarylyp, aqtyq synǵa shyqqan komandalar sharanyń sońǵy nátıjelerin tanystyrdy, dep habarlaıdy QazAqparat.
«TOM- biregeı joba. Munda mamandyǵy men kózqarasy san alýan adamdar bas qosady. Olardy ortaq bir ǵana maqsat - álemdi jaqsarta túsý nıetteri toǵystyrady. TOM meıkatony - bul áleýmettik kásipkerlik úshin ıdeıalardyń paıda bolatyn alańy. Biz adamdarǵa kómek kórsetý múmkindigin beremiz. Jobanyń jeńimpazdary men júldegerleri óz jobalaryn damytýǵa múmkindik alady. buǵan qosa elimizde ony júzege asyrýdyń barlyq múmkindikteri jasalǵan», - dedi «Qazaqstandaǵy Tel-Avıv ýnıversıtetiniń dostary qaýymdastyǵy» ZTB vıtse-prezıdenti Sánııa Arapova.
Onyń aıtýynsha, ERG kompanııasynyń qoldaýymen elimizdiń 4 óńirinde «Bastaý» bıznes-lager jobasy kezeńderiniń biri «Stýdenttik kásipkerliktiń ekojúıesi» jobasy iske asyrylýda. Meıkatonda júldeli oryn alǵan jastar atalǵan lagerge qatysyp, júlde qory 750 myń teńgeni quraıtyn einshi oryndy jeńip alǵan.
Aıta keteıik, «TOM: Qazaqstan» - bul múmkindigi shekteýli adamdar men ónertapqyshtardy biriktiretin halyqaralyq áleýmettik joba. Al meıkaton TOM - bul 72 saǵattyq marafon. Onda ónertapqyshtar, ınjenerler men jańalyq tabýshylar múmkindigi shekteýli adamdarmen birlesip, múgedekterdiń qoǵamǵa beıimdelýine jol ashatyn, jasalýy ońaı, baǵasy qoljetimdi dúnıeler jasalady.
