Elordada birinshi halyqaralyq bilim forýmy bastaldy
ASTANA. 9 sáýir. QazAqparat - Búgin elordalyq «Kórme» kesheninde tuńǵysh halyqaralyq bilim forýmy men «WORLDDIDAC Astana 2013» bilim jáne kásiptik daıarlyqqa arnalǵan tehnologııalar kórmesi jumysyn bastady.
Forým aýqymynda QR Prezıdenti Ákimshiliginiń basshysy Kárim Másimovtiń qamqorshylyǵymen júzege asyrylyp jatqan «WikiBilim» qoǵamdyq qorynyń jobalary stendisi qoıylǵan.
«Bizdiń stendimizde «Vıkıpedııa» búkilálemdik entsıklopedııasynyń qazaq bólimin, sondaı-aq Qazaqstannyń ashyq kitaphanasyn damytý jónindegi materıaldar qoıylǵan» - dep naqtylady QazAqparat tilshisine «WikiBilim» qoǵamdyq qorynyń jetekshisi Raýan Kenjehanuly.
Sonymen birge kórmede Qazaqstannyń ashyq kitaphanasynyń veb-saıtynyń uıaly nusqasy jáne qazaq tili ámbebap sózdigi men «Vıkıpedııa» qazaq bóliminiń mobıldik qosymshalary tanystyryldy.
