Elordada bir úıden 2 bala terezeden qulap ketti
NUR-SULTAN. QazAqparat – Elordada kópqabatty turǵyn úıdiń terezesinen eki bala qulap ketti, dep habarlaıdy QazAqparat Tótenshe jaǵdaılar departamentine silteme jasap.
«Keshe «112» pýltine Qapal 1/1 kóshesindegi úıdiń terezenen balalardyń qulaǵany týraly habar tústi. 2011 jáne 2013 jyly týǵan balalar ata-anasynyń qaraýynsyz qalyp, 4-shi qabattaǵy páterdiń terezesinen qulap túsken. Ekeýi túrli jaraqatpen №2 qalalyq balalar aýrýhanasyna jatqyzyldy», - dedi TJD ókili.
Aıta ketsek, 2019 jyldyń basynan beri dál osyndaı 14 jaǵdaı tirkelgen (2018 jyly - 21), 1 jaǵdaıdyń arty qazaǵa ákelgen (2018 jyly – 8), 13 jaǵdaıda balalar aýrýhanaǵa jatqyzylǵan (2018 jyly - 13).
