Elordada bir túnde 22 mas júrgizýshi ustaldy
NUR-SULTAN. QazAqparat – Elordanyń polıtsııa departamenti qala joldarynda jol qaýipsizdigin qamtamasyz etýge baǵyttalǵan sharalardy turaqty negizde ótkizýde. Bir túnniń ishinde qalanyń polıtsııa qyzmetkerleri rýlge mas kúıinde otyrǵan 22 júrgizýshini ustady, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Reseılik tirkeý nómirleri bar «Toıota» kóliginiń 46 jastaǵy júrgizýshisi túnde Kenesary kóshesimn kele jatyp, joldaǵy qashyqtyqty saqtamaı, aldynda turǵan kólikpen soqtyǵysty. Patrýldik polıtsııa polkiniń qyzmetkerleri qujattaryn tekserý kezinde júrgizýshiniń alkogoldik mas kúıinde ekenin anyqtady.
Sondaı-aq, kólik patrýli jol erejesin buzǵan «Nıssan» markaly kólik júrgizýshisin toqtatty. Respýblıka dańǵylymen kele jatqan ol jaıaý júrginshini ótkizbegen. Patrýldik polıtsııa qyzmetkerleri kóliktıi toqtatty. Tekserý barysynda 32 jastaǵy júrgizýshiniń kólik quraldaryn júrgizý quqyǵynan aıyrylǵanyn anyqtady.
Medıtsınalyq kýálandyrý qorytyndysy boıynsha, júrgizýshilerdiń ekeýi de ortasha dárejede mas kúıinde bolǵany anyqtalǵan. Kólikter kommýnaldyq avtoturaqqa kirgizildi.
Jınalǵan materıaldar protsessýaldyq sheshim qabyldaý úshin sotqa jiberildi. QR Ákimshilik quqyqbuzýshylyqtar týraly kodekstiń 608-babynyǵń 1-bólimine sáıkes, júrgizýshiler 15 táýlikke qamaýǵa alynyp, 7 jylǵa júrgizýshi kýáliginen aıyrylady.
Jol qaýipsizdigin kúsheıtý maqsatynda, 8-17 qarasha kúnderi qala aýmaǵynda «Qaýipsiz jol» respýblıkalyq jedel aldyn alý sharasy júrgizilýde.
