Elordada bir top jigit janarmaı quıý stantsııasynyń dúkeninen tátti urlamaq boldy

NUR-SULTAN. QazAqparat – Nur-Sultanda bir top jigit operatordyń joqtyǵyn paıdalanyp, janarmaı quıý stantsııasynyń dúkeninen táttiler men sýsyndar urlamaq bolǵan, dep habarlaıdy QazAqparat Nur-Sultan qalasynyń Polıtsııa departamentiniń baspasóz qyzmetine silteme jasap.

Polıtsııa taratqan derekterge qaraǵanda, oqıǵa, túnde Bógenbaı batyr dańǵylyndaǵy janarmaı quıý stantsııasynda bolǵan. «Nıva» markaly kólik mingen jastar operatordyń joqtyǵyn paıdalanyp, táttiler men sýsyn urlamaq bolǵanda túngi kezekshilikten úıine qaıtyp bara jatqan tári saqshylarynyń kózine túsken. «Saryarqa» aýdanynyń polıtsııa qyzmetkerleri Qudaıbergen Begimbetov pen Ormanov Júnisbek kúdiktiler tobyn kórip qalyp, olardyń sońdaryna túsken. Tártip buzýshylardy ustaýǵa patrýldik polıtsııa ekıpajdary qosylǵan. Qalada «Tosqaýyl jasaý» jospary engizildi.

Júrgizýshi qyzmetkerlerdiń toqta degen talabyn elemeı, jyldamdyqty barynsha arttyryp, izin sýytýǵa tyrysqan. Alaıda kúdiktilerdiń kóligi Seıfýllın – Kúmisbekov kósheleriniń qıylysynda toqtatyldy. Kólikten shyqqan jigitter tura qashqan.

Patrýldik polıtsııa qyzmetkerleri olardy jaıaý qýǵan. Olardy ustaý kezinde tártim saqshylary kúsh qoddanýǵa májbúr bolǵan. 21-28 jas aralyǵyndaǵy jigitter aýdandyq polıtsııa bólimine jetkizildi, tergeý júrgizilýde. Belgili bolǵandaı, bul aýdandaǵy janarmaı stantsııasyna jasalǵan ekinshi urlyq. Buǵan deıin bir saǵat buryn jigitter dál osylaı basqa janarmaı quıý beketin tonap ketken. Olardyń biri urlyq jasaǵany úshin izdeýde júrgeni anyqtaldy.

Kúdiktilerdiń avtokóliginen urlanǵan azyq-túlik pen táttiler tárkilendi.