Elordada bir top kerekýlik aqyn-jazýshylar kitaptarynyń tusaýkeserin ótkizdi
ASTANA. 3 shilde. QazAqparat - Elordadaǵy Ulttyq akademııalyq kitaphana aımaqtarmen baılanysty nyǵaıta túsýde. Sonyń bir dáleli Pavlodar oblystyq ákimdiginiń qoldaýymen «Ertis-Baıanaýyl kitaphanasy» serııasy boıynsha «Folıant» baspasy shyǵarǵan bir top kerekýlik aqyn-jazýshylar kitaptarynyń tusaýkeserin ótkizdi.
Bul kúni oqyrmandar Qazaqstan Jazýshylar odaǵynyń músheleri Aqyn Alaqanulynyń «Qarasaı men Qyzylsaı», Arman Qanıdyń «Sen jáne men», Súleımen Baıazıtovtiń «Alash arystary», Vıktor Semerıanovtiń «ıA vıjý v Kazahstane» atty týyndylarymen tanysty.
Osy sharaǵa oraı kórme uıymdastyrylyp, Baıanaýyl ólkesiniń týmalary, Jaıaý Musa, Máshhúr Júsip Kópeıuly, Isa Baızaqov, Zeıin Shashkınniń eńbekteri, sondaı-aq, 2011 jyly Pavlodar qalasynda ótken respýblıkalyq festıvalge qatysýshylardyń jyrlary engen «Táýelsizdik tuǵyry» jınaǵy kelýshiler nazaryna usynyldy, dep jazady «Egemen Qazaqstan» basylymy.
