Elordada bir táýlikte 87 kólik oqıǵasy tirkeldi
NUR-SULTAN. QazAqparat – Ótken bir táýlikte Nur-Sultanda 87 jol-kólik oqıǵasy bolǵan, dep habarlaıdy QazAqparat.
Nur-Sultanda kóktaıǵaq saldarynan jol-kólik oqıǵalary jıilep ketti. Osyǵan baılanysty polıtsııa ókilderi kólik tizgindegen turǵyndardy abaılap júrýge shaqyrýda.
«Búgin, 20 naýryzda Turan dańǵyly jaqtan Qorǵaljyń tasjolymen ketip bara jatqan marshrýttyq avtobýs kóktaıǵaq kesirinen jaryq baǵanasyna soǵyldy. Saldarynan dińgek «Lada Granta» kóligine qulap, zaqym keltirdi. Oqıǵa saldarynan adam zardap shekken joq», - dep jazady elordalyq polıtsııa departamentiniń baspasóz qyzmeti.
Al tańǵy saǵat 08.05 shamasynda N.Tilendıev dańǵylynda marshrýttyq avtobýs júrgizýshisi rólge ıe bola almaı, jeńil kólik pen toqtap turǵan júk kóligine soǵylǵan.
«Oqıǵa ornynda polıtsııa qyzmetkerleri jumys isteýde. Jedel járdem brıgadasy avtobýs júrgizýshisine kómek kórsetip jatyr. Nur-Sultan qalasynyń polıtsııa departamenti júrgizýshilerge qozǵalys kezinde abaı bolyp, jyldamdyq pen qaýipsiz qashyqtyq erejelerin qatań saqtaý kerektigin eskertedi. Sonymen birge jaıaý júrginshi jolaǵyna jaqyndaǵanda jyldamdyqty barynsha azaıtyp, muqııat bolýdy suraıdy» - deıdi departament ókilderi.
