Elordada bir táýlikte 75 jol apaty tirkeldi
NUR-SULTAN. QazAqparat – Ótken táýliktiń ishinde elorda aýmaǵynda 75 jol-kólik apaty tirkeldi, zardap shekkender joq. Bul jaıynda qalalyq polıtsııa departamentinen málim etti, dep habarlaıdy QazAqparat tilshisi.
Departament málimetinshe, aýa raıynyń qolaısyzdyǵy qala kóshelerinde ahýaldy qıyndatyp jibergenmen jaǵdaı polıtsııa qyzmetkerleriniń jiti baqylaýynda boldy. Quqyq qorǵaýshylar kúsheıtilgen qyzmet atqarý rejıminde júmys istep, jol qozǵalysy qaýipsizdigin qamtamasyz etý úshin qosymsha is-sharalar qabyldady. Jolda, qar qursaýynda qalǵan júrgizýshilerge kómek kórsetip, kólikterin qyzmettik kólikterimen tartyp shyǵaryp berip otyrdy. Polıtsııa qyzmetkerlerine azamattyq belsendiligi joǵary turǵyndar da kómek qolyn sozyp, ózderiniń jol talǵamaıtyn kólikterimen júrgizýshilerge kómek kórsetti. Jol qozǵalysy qaýipsizdigi úshin qajetti barlyq is-shara qabyldandy.
Sonymen qatar qalalyq departament júrgizýshilerden joldarda asa abaı bolýdy jáne jol qozǵalysy erejesin qatań saqtaýdy ótinedi.
«Júrgizýshiler barynsha muqııat bolyp, jyldamdyq rejımin jáne qaýipsiz ara qashyqty buljytpaı saqtaý qajet. Jaıaý júrginshilerden joldy belgilengen jerlerden ǵana ótýdi suraımyz. Osyǵan baılanysty, júrgizýshilerdi jaıaý júrginshiler ótkeli aldynda jyldamdyqty barynsha azaıtýdy, jalpyǵa bilim berý mekemeleriniń mańynda asa muqııat bolýdy eskertemiz»,- dedi vedomstvodan.
