Elordada bir táýlikte 700-den astam jol erejesin buzý faktisi anyqtaldy
NUR-SULTAN. QazAqparat – Jol-kólik oqıǵalarynyń sanyn azaıtý, sondaı-aq jol qozǵalysy erejelerin buzýdyń aldyn alý maqsatynda Nur-Sultan qalalyq polıtsııa departamenti 8-17 qarasha aralyǵynda «Qaýipsiz jol» jedel aldyn alý sharasyn ótkizedi, dep habarlaıdy QazAqparat elordalyq PD baspasóz qyzmetine silteme jasap.
Bir táýlik ishinde polıtsııa qyzmetkerleri 710 jol erejesin buzý faktisin anyqtady, onyń ishinde bireýin qoǵamdyq kólik júrgizýshisi jasaǵan.
53 júrgizýshi tehnıkalyq tekseristen ótpegen kólikti júrgizgen, manevr jasaý erejelerin buzǵany úshin 25 júrgizýshi ustaldy.
Sonymen qatar, 11 júrgizýshi qarsy jolaqqa shyǵyp ketse, 16 júrgizýshi baǵdarshamnyń tyıym salynǵan túsine ótip ketken.
Mas kúıinde kólik júrgizgeni úshin 16 júrgizýshi ustaldy, kólik quraldaryn basqarý quqyǵy joq 6 azamat temir tulpardy tizgindegen.
Aıyp turaǵyna 52 avtokólik qoıylǵan.
Polıtsııa qyzmetkerleri mas kúıinde kólik quraldaryn basqarý faktisin anyqtaýǵa jáne onyń jolyn kesýge erekshe nazar aýdaryp jatyr.
