Elordada bir táýlikte 70-ten astam kólik oqıǵasy tirkeldi
NUR-SULTAN. QazAqparat – Aýa raıynyń qolaısyzdyǵyna baılanysty Nur-Sultan qalasynyń Polıtsııa departamenti júrgizýshilerge eskertý jasady, dep habarlaıdy «QazAqparat» HAA vedomstvonyń baspasóz qyzmetine silteme jasap.
«Turǵyndardy avtokólikterin jol jıegine qoımaýdy suraımyz. Jol jıegine qoıylǵan kólik qar tazalaıtyn tehnıkanyń jumysyna kedergi keltiredi», - delingen departament habarlamasynda.
Belgilenbegen oryndarǵa qoıylǵan kólik quraldary evakýatorlardyń kómegimen aıyppul turaǵyna jetkizilmek.
«Júrgizýshiler jyldamdyq rejımin, qashyqtyqty saqtaýyna, jol belgileriniń nusqamalaryn oryndaýyna jáne shuǵyl áreketter jasamaýyna, qys mezgilinde tozǵan jáne «jazǵy» rezeńkede júrmeýine erekshe nazar aýdarýlary qajet», - dedi vedomstvodan.
Bir táýlik ishinde elorda joldarynda 70-ten astam jol kólik oqıǵalary tirkelgen, 1 adam dene jaraqatyn alǵan.
