Elordada bir táýlikte 35 myń tekshe metr qar shyǵaryldy
ASTANA. QazAqparat - Ótken táýlikte elorda aýmaǵynan 35 myń tekshe metr qar shyǵaryldy. Bul týraly búgin «Astana tazalyq» JShS-niń ókili Altyn Nurjýmına aıtty, dep habarlaıdy QazAqparat.
«Táýlik ishinde shamamen 35 myń tekshe metr qar shyǵaryldy. Qazirgi ýaqytta qalanyń kommýnaldyq qyzmeti kúsheıtilgen rejimde jumys isteýde. ıAǵnı qazir Astanada barlyq tehnıka qar tazalaý jumystaryna jumyldyrylǵan. Ótken táýlikte shamamen 1400 tehnıka jumys jasady. Qazir tazalyq jumystaryna 1500-ge jýyq tehnıka shyǵaryldy», - dedi ol.
Onyń aıtýynsha, qalany qardan tazartý jumystaryna qol kúshi de jumyldyrylǵan.
«Eki myńnan astam adam qolmen qar tazalaý jumystaryna shyǵaryldy. Olar tehnıka bara almaıtyn aıaldama keshenderi mańyn, kólik turaqtary men jaıaý júrginshiler joldaryn tazalaýda. Jalpy tehnıka jetkilikti, jumys isteýdemiz», - dedi Altyn Nurjýmına.
«Astana tazalyq» mekemesi ókiliniń dereginshe, ótken jylǵy qysqy maýsymda elordadan 5 mln 400 myń tekshe metr qar shyǵarylǵan. Al bıyl osy ýaqytqa deıin qala aýmaǵynan shyǵarylǵan qardyń kólemi 1 mln tekshe metrden asyp otyr.
