Elordada bir otbasynyń 5 múshesi torttan ýlanyp qaldy
NUR-SULTAN. QazAqparat - Elordada bir otbasy «Happy Cake» tortynan ýlanyp qaldy. Osy oqıǵaǵa oraı Nur-Sultan qalalyq qoǵamdyq densaýlyqty qorǵaý departamenti túsinikteme berdi, dep habarlaıdy QazAqparat tilshisi.
«Aǵymdaǵy jyldyń 15 sáýirinde elordanyń juqpaly aýrýlar aýrýhanasyna 4 eresek pen 10 jastaǵy bir bala ótkir ishek ınfektsııasymen jatqyzyldy. Zardap shegýshiler ózderiniń aýrýlaryn jeksendi 14 sáýir kúni Kúıshi Dına kóshesi 13 úıde ornalasqan «Happy Cake» dúkeninen «Ptıche moloko» tortyn alyp jeýmen baılanystyrady», - dep atap ótedi vedomstvodan.
Qazirgi ýaqytta Qoǵamdyq densaýlyqty qorǵaý departamenti atalǵan nysanda tamaqtan ýlanýǵa qatysty tekserý júrgizip, epıdemııaǵa qarsy sharalardy bastap ketti. Tekserý qorytyndysy men qabyldanǵan ákimshilik sharalar qosymsha habarlanady.
«Buǵan deıin departament «Happy Cake» dúkeniniń kremdi-kondıterlik ónimderdi pisirýge ruqsat qaǵazdarynyń joq ekendigin jáne tekserý júrgizýge múmkinshiliktiń joqtyǵyn halyqqa habarlaǵan bolatyn. Sebebi elimizde kásipkerlik sýbektisi ashylǵan kúninen bastap 3 jylǵa deıin tekserýden bosatylǵan. Buǵan qosa, 2017 jyly Aqmeshit kóshesi 5 úıde ornalasqan «Happy Cake» nysanyna ruqsat berý qujattaryn berýden bas tartylǵan bolatyn. Sebebi ol sanıtarlyq talaptarǵa saı kelmeıdi», - dep atap ótedi departamentten.
Sonymen qatar Qoǵamdyq densaýlyqty qorǵaý departamenti elorda turǵyndaryna kremdi-kondıterlik taǵamdardy satyp almas buryn satýshydan sanıtarlyq-epımıologııalyq qorytyndysynyń bar-joǵyn suraýǵa keńes beredi.
