Elordada bir kúnde sanıtarlyq normany buzǵan 15 nysan jabyldy
NUR-SULTAN. QazAqparat – Elordada bir kúnde sanıtarlyq normany buzǵan 15 nysan jabyldy, dep habarlaıdy QazAqparat qala ákimdigine silteme jasap.
Polıtseıler, epıdemıologtar jáne ákimdik qyzmetkerleri birlesip qyzmeti isteýge ruqsat berilgen nysandarda sanıtarlyq normanyń saqtalýyna qatysty kúndelikti reıd júrgizedi. Bir táýlik ishinde qorǵanys quralynyń bolmaýy, ortalyqtandyrylǵan tasymaldaý jáne dezınfektsııa júrgizý sekildi sanıtarlyq normalardy buzǵany úshin 15 nysannyń qyzmeti toqtatyldy.
Olardyń qatarynda qurylys kompanııasyy, qonaq úı men meıramhana bar. Degenmen, elorda kompanııalarynyń basym bóligi sanıtarlyq-epıdemıologııalyq talaptardy qatań saqtaýda. Jumys tártibi (tamaq tasymaldaýdan basqa): tańǵy saǵat 9-dan keshki 18-ge deıin.
Qyzmetkerlerdi jumysqa deıin jáne úıge qyzmettik kólik jetkizedi. Olar arnaıy kıimmen, qorǵanys quraldarymen jáne t.b. qamtamasyz etilgen. Aýysym basynda barlyǵy sanıtarlyq óńdeýden ótedi.
«Bul qalada qalǵan adamdar. 50%-dan astamy aýdandarǵa ketti. Jumysqa jaqyn jerde turatyn qyzmetkerler tańdap alyndy. Ár tańerteń saıyn saǵat 9-ǵa deıin jáne keshki 18-den keıin teplovızor arqyly JRVI belgisiniń bar-joǵy tekseriledi. Shtatymyzǵa tekserýdi júzege asyratyn medıtsına qyzmetkerin qabyldadyq. Sondaı-aq kireberiste kontroler árbir klıentti teplovızormen tekseredi», - deıdi «Megastroı» qurylys gıpermarketi dırektorynyń orynbasary Oksana Sýhorýkova.
Gıpermarketke kire beriste arnaıy belgi jasaldy, barlyq sanıtarlyq normalardy saqtaýǵa yńǵaıly bolý úshin adamdar arasynda qashyqtyq – eki metr.
«Satyp alýshylar kezekpen kiredi. Bizde jeti kassa jumys isteıdi, biz kassada 2-3 klıent bolmaýyn qadaǵalaımyz. Sonymen qatar dáliz tolyǵymen dezınfektsııalaý quralymen óńdelgen. Zal boıynsha sanıtaızerler ornatyldy. Klıentter dúkenge tek maskamen kiredi. Saǵat saıyn barlyq jumys aýmaǵy, arbalar ár qoldanystan keıin óńdeledi», – dep atap ótti O. Sýhorýkova.
Sanıtarlyq normalar men karantın rejımin saqtamaǵan jaǵdaıda elordada nysandardyń qyzmeti toqtatylady. Elordada koronavırýstyń taralýyna jol bermeý maqsatynda qatań erejeler qabyldandy.
