Elordada bir bólmede turǵan adamnyń aqshasyn urlaǵan kelinshek ustaldy

NUR-SULTAN. QazAqparat – Elordanyń krımınaldyq polıtsııa qyzmetkerleri jedel izdestirý is-sharasy barysynda aqsha urlaý kúdigimen 35 jastaǵy áıeldi ustady, dep habarlaıdy QazAqparat tilshisi.

«Tergeý barysynda kúdiktiniń uzaq ýaqyttan beri Tarhan kóshesinde ornalasqan úılerdiń birinde bir áıelmen birigip bólme jaldap turaǵandyǵy anyqtaldyq. Keshki ýaqytta úıge kelgen ol bólmede birge turatyn kórshisiniń týmba ústinde turǵan ámııanyn baıqaıdy. Bólmelesiniń joq ekendigin paıdalanǵan ol ámııandaǵy aqshany urlap alǵan», - delingen Nur-Sultan qalalyq polıtsııa departamentiniń aqparatynda.

Vedomstvo málimetinshe, atalǵan fakti boıynsha QR Qylmystyq kodeksiniń 188-babymen qylmystyq is qozǵaldy. Kúdikti jasaǵan qylmysyn moıyndap otyr. Qazirgi ýaqytta onyń elorda aýmaǵynda jasalǵan dál osyndaı ózge qylmystarǵa qatysy tekserilip jatyr.