Elordada bir aýysymda 500 kelýshini qabyldaıtyn jańa ambýlatorlyq-emhanalyq keshen salynady
Sonymen qatar, Óndiris turǵyn alabynda jáne Dosmuhameduly kóshesinde árqaısysy 150 adamǵa arnalǵan bastapqy medıtsınalyq-sanıtarlyq kómek ortalyqtaryn ashý kózdelgen. «Keler jyly sol jaǵalaýda ambýlatorlyq-emhanalyq keshen jáne 150 kelýshige arnalǵan 2 bastapqy medıtsınalyq-sanıtarlyq kómek ortalyǵy salynady. Sondaı-aq, týberkýlezge qarsy dıspanserdiń qurylysy jalǵasady», - dedi Ekonomıka jáne bıýdjettik josparlaý basqarmasynyń basshysy Janat Núrpeıisov óz baıandamasynda.
Aıta keteıik, bıýdjet sheńberinde dárilik zattar satyp alynady, jedel medıtsınalyq kómek kórsetýge, emdeý-aldyn alý uıymdaryn qanmen jáne sarysýlarmen qamtamasyz etýge qarjy qaralǵan. Budan basqa, áleýmettik qorǵaý salasynda áleýmettik tólemderge, medıtsınalyq-áleýmettik mekemelerdi ustap-kútýge, qoǵamdyq jumystardy uıymdastyrýǵa, jumyssyzdardy qaıta daıarlaýǵa jáne áleýmettik jumys oryndaryn qurýǵa jumsalatyn shyǵyndarǵa qarjy bólinedi.
