Elordada bir aptada 1500 sharshy metr aýmaqta qurǵaq shóp pen qamys órtendi
ASTANA. QazAqparat – Astanada tabıǵı órtterge qarsy i is-sharalar jospary ázirlendi. Bul týraly memlekettik órt baqylaý basqarmasynyń bastyǵy málim etti, dep habarlaıdy QazAqparat tilshisi.
«Osy aptanyń ishinde 1 500 sharshy metrden asatyn aýmaqta qurǵaq shóp pen qamystyń órtenýi boıynsha 6 oqıǵa tirkeldi. Ótken jyly osyndaı 313 jaǵdaı tirkelgen edi. Orman jáne dala órtteriniń aldyn alý maqsatynda bıyl Astana aýmaǵynda tabıǵı órtke qarsy is-sharalar jospary ázirlendi. Qala shekarasynyń perımetrinde 6 baǵyt boıynsha jyljymaly kúzet beketteri uıymdastyryldy», - dedi Erkin Otarymǵalıuly Astana qalalyq kommýnıkatsııalar qyzmeti alańynda ótken baspasóz máslıhatynda.
Sondaı-aq, órt baqylaý basqarmasynyń bastyǵy qaýipsizdik erejelerin taǵy bir eske saldy:
– kez kelgen ashyq ot kózimen jumys istegende saq bolyńyz
- jeke ornalasqan turǵyn úı mańyndaǵy aýmaqtardy ýaqytyly tazalap turý kerek
- tabıǵat aıasyna shyqqanda sirińkeni abaılap qoldanyp, temeki qaldyǵyn tastamaý kerek.
- balalardyń sirińke jáne otpen oınaýyna jol bermeńizder
- ań aýlaý kezinde janatyn materıaldardy qoldanbaý qajet
- ǵımarattardyń janynda ot jáne qoqys jaǵýǵa bolmaıdy
- tabıǵat aıasyna demalysqa shyqqanda jaqqan órtti tolyq sóndirip ketý kerek. Shala sóngen ot órtke ákelýi múmkin.
- shyny ydysty jáne synǵan áınekti qaldyrmańyzdar. Órt bastalǵan jaǵdaıda bolsa sýmen, aǵashtyń butaǵymen nemese qum sebý arqyly sóndirýge tyrysý qajet.
