Elordada byltyr 500 adam týberkýlezge shaldyqqan
ASTANA. KAZINFORM — Naýqastardyń em-domy 1-2 jylǵa jalǵasady. Bul jóninde Astana qalasy ákimdiginiń «Qalalyq kópsalaly ftızıopýlmonologııa jáne ishki aýrýlar ortalyǵy» ShJQ MKK dırektory, shtattan tys bas ftızıatr Anna Tsepke qalalyq Kommýnıkatsııalar qyzmetinde ótken brıfıngte málimdedi.
— 2025 jyly 400 azamat týberkýlezge alǵash ret shaldyqty. Al 100 kisi buryn atalǵan dertke shaldyǵyp, emdelgen. Byltyr týberkýlezben qaıtadan aýyrdy. Jalpy, bul aýrýmen elordada jylyna 500-530 adam syrqattanady. Olar 1-2 jyl emdeledi, — dedi A. Tsepke.
Sondaı-aq mamandar 2025 jyly Astana halqynyń týberkýlezben aýyrý kórsetkishi 24,5 paıyzǵa tómendegenin aıtty.
— Týberkýlezdiń aldyn alý, erte anyqtaý jáne tıimdi emdeýge baǵyttalǵan keshendi jumys júzege asyrylyp keledi. Atalmysh sharalar naqty nátıje berip jatyr. Máselen, 2025 jyly Astanada týberkýlezben syrqattaný deńgeıi 24,5%-ǵa, al aýrýdyń taralý kórsetkishi 22%-ǵa tómendegen. Bul týberkýlez boıynsha epıdemıologııalyq jaǵdaıdyń jaqsaryp kele jatqanyn kórsetedi, — dedi Astana qalasynyń Qoǵamdyq densaýlyq saqtaý basqarmasy basshysy orynbasarynyń mindetin atqarýshy Farıda Tóleshova.
Aıta keteıik buǵan deıin elimizde týberkýlezdiń aldyn alý aılyǵy júrip jatqanyn jazǵanbyz.