Elordada «Bilimdi jastar - máńgilik eldiń bolashaǵy!» atty forým ótedi
ASTANA. QazAqparat - 20 sáýirinde Nazarbaev Ýnıversıtetinde QR Premer-Mınıstriniń orynbasary Berdibek Saparbaevtyń tóraǵalyǵymen «Bolashaq» baǵdarlamasynyń túlekteri, «Daryn» jáne «Jas tulpar» Memlekettik syılyq ıegerleriniń qatysýymen «Bilimdi jastar-máńgilik eldiń bolashaǵy!» atty forým ótedi.
Іs-sharada Qazaqstan Respýblıkasynyń Bilim jáne ǵylym mınıstri Aslan Sárinjipovtiń, «NÝH «Báıterek» AQ tóraǵasy, «Bolashaq» qaýymdastyǵy keńesiniń tóraǵasy Qýandyq Bıshibaevtiń qatysýy josparlanǵan.
Kezdesý qorytyndysynda «Bolashaq» Qaýymdasytyǵymen aldyńǵy qatarly bilim berý men bıznes baǵyttar arasynda memorandýmǵa qol qoıylady.
Sondaı-aq, forýmda Qazaqstannyń belgili bıznesmenderi, jáne de «Bolashaq» baǵdarlamasynyń túlekteri - Raıymbek Batalov, Serikbaı Bısekeev, Qaırat Májibaev, Sanjar Altaev, Almas Qudaıbergen, Arman Súleımenov jáne t.b qatysady.
Pikirtalas aıasynda aldaǵy úsh jylǵa arnalǵan Qaýymdastyqtyń áleýmettik mańyzdy jobalary men onyń ázirlenýi men iske asyrylý joldary talqylanatyn bolady. Onda birlestik keńesiniń músheleri- bıznes ókilderi, ulttyq kompanııalar, qoǵamdyq jáne qaıyrymdylyq uıymdary qatysatyn bolady.
