Elordada Bilim jáne ǵylym mınıstrligin ońtaılandyrý máseleleri talqylandy
Aǵymdaǵy jyldyń 4 qyrkúıeginde Qazaqstan Respýblıkasy Sybaılas jemqorlyqqa qarsy is-qımyl agenttiginde alańynda Agenttik basshysy A.Shpekbaevtyń jáne Bilim jáne ǵylym mınıstri Q. Aımaǵambetovtiń tóraǵalyǵymen BǴM qurylymyn ońtaılandyrý máselesi boıynsha kezdesý ótti.
Keńes jumysyna sondaı-aq Ulttyq ekonomıka vıtse-mınıstri A.Shaımova, Bilim jáne ǵylym, Ádilet mınıstrlikteriniń, sybaılas jemqorlyqqa qarsy is-qımyl agenttiginiń jáne qoǵamdyq uıymdardyń ókilderi qatysty. Memlekettik organdardy ońtaılandyrýdyń basty maqsaty - básekege qabiletti jáne kepildi eńbekaqymen qamtylǵan tıimdi memlekettik apparat qurý.
Elbasy atap ótkendeı: «Jalaqyny kóterý bıýdjettik shyǵyndardy ońtaılandyrýmen jáne únemdeýmen baılanysty bolýy tıis, onyń ishinde memlekettik organdardyń vedomstvolyq baǵynysty uıymdary da tys qalmaýy tıis».
Bul úshin tıisti Jarlyq shyǵaryldy («Ákimshilik reformany odan ári júrgizý jónindegi keıbir sharalar týraly» Qazaqstan Respýblıkasy Prezıdentiniń 2007 jylǵy 29 naýryzdaǵy N 304 Jarlyǵy).
Birinshi basshylardyń memlekettik organnyń shtattyq sany men uıymdyq qurylymyn óz betinshe anyqtap, únemdelgen qarajatty jalaqyny kóterýge baǵyttaýy úshin quqyqtyq negiz quryldy.
Ótken kezdesýde BǴM janyndaǵy «Adal bilim» sybaılas jemqorlyqqa qarsy jobalyq keńsesi Bilim jáne ǵylym mınıstrliginiń qurylymyna júrgizilgen taldaý qorytyndylaryn usyndy.
Jobalyq keńse memlekettik apparattyń básekege qabilettiligin arttyrýdyń negizgi faktory qyzmetkerlerdiń jalaqysyn joǵarylatý jáne mınıstrliktiń fýnktsııasyn qaıtalaıtyn vedomstvolyq baǵynysty uıymdardyń qyzmetin ońtaılandyrý jónindegi, ákimshilik shyǵyndardy qysqartý, ortalyqtaǵy jáne óńirlerdegi artyq qurylymdyq bólimshelerdi qysqartý, basshylar men oryndaýshylardyń qatynasyndaǵy sáıkessizdikti ózgertý boıynsha usynystardy engizdi.
Budan bólek, jumys keńesi barysynda shyǵystar men uıymdastyrý qurylymyn ońtaılandyrý esebinen jalaqynyń joǵary deńgeıin qamtamasyz etýge múmkindik bergen Ádilet mınıstrliginiń, Nur-Sultan, Almaty qalalarynyń, Mańǵystaý oblysynyń jáne Agenttiktiń sátti tájirıbesi tanystyryldy. Bul ońtaılandyrý nátıjesinde buryn memlekettik qyzmetten kóbinese kvazı-sektorǵa ketip qalyp júrgen úzdik mamandardy jaldaýǵa múmkindik berdi.
Bilim jáne ǵylym mınıstri A. Aımaǵambetov BǴM qyzmetin ońtaılandyrý, onyń ishinde 27 JOO-ny kommertsııalyq emes aktsıonerlik qoǵam nysanyna kóshirý jáne josparlanǵan 6 memlekettik úlesterdi jekeshelendirý boıynsha bastalǵan jumystyń mańyzdylyǵyn atap ótti.
Kezdesý qorytyndysy boıynsha Bilim jáne ǵylym mınıstri engizilgen usynystardy qoldap, azamattyq qoǵam jáne Agenttikpen tyǵyz qarym-qatynas jasaı otyryp, osy baǵyttaǵy jumysty jalǵastyrýǵa daıyndyǵyn bildirdi.