Elordada bilim salasyndaǵy vakansııalardyń jármeńkesi ótedi
NUR-SULTAN. QazAqparat - 15 tamyzda elordadaǵy «Jastar» saraıynda bilim berý salasy qyzmetkerlerine arnalǵan bos oryndar jármeńkesi ótedi, dep habarlaıdy QazAqparat qala ákimdiginiń resmı saıtyna silteme jasap.
Jármeńke saǵat 10.00-den 13.00-ge deıin Respýblıka dańǵyly, 34 mekenjaıy boıynsha ornalasqan «Jastar» saraıynyń foıesinde ótedi. Onda bos jumys oryndaryn 100-ge jýyq jumys berýshi usynady.
Sondaı-aq oqý
oryndarynyń túlekteri aqy tólenetin jastar praktıkasyna qatysý týraly aqparat
ala alady. Budan bólek, jármeńkege kelýshilerdiń aldyn ala áńgimelesýden ótýge,
túıindeme toltyryp, ony jumys berýshilerge qaldyryp ketýge múmkindikteri bolady.
