Elordada bilim salasyndaǵy tapshy mamandar belgili boldy
ASTANA. QazAqparat - Astanada tamyz aıynda árbir senbi saıyn bilim mekemeleriniń qyzmetkerlerine arnalǵan eńbek jármeńkesi ótedi, dep habarlaıdy QazAqparat elorda ákimdiginiń saıtyna silteme jasap.
Qazirgi tańda Astanada balabaqsha tárbıeshisi, bastaýysh synyp muǵalimi, orys jáne aǵylshyn, ádebıet, matematıka pánderiniń ustazdary jetispeıdi. Tamyz aıynyń árbir senbisinde osy tapshy mamandarǵa arnalǵan eńbek jármeńkesi ótkiziledi.
Alǵashqy jármeńke 11 tamyzda №31 mektep-gımnazııa (Kenesary kóshesi 49) jáne №84 mektep-lıtseıinde (Uly dala dańǵyly 7/1) ótkiziledi.
Jármeńke saǵat 10:00-de bastalyp saǵat 13:00-de aıaqtalady.
Aıta keterligi, eńbek jármeńkesi árbir senbi uıymdastyrylady (tamyz aıynyń 11, 18, 25). Qazirgi ýaqytta qalada balabaqsha tárbıeshisi, bastaýysh synyp muǵalimi, orys jáne aǵylshyn, ádebıet, matematıka pánderiniń ustazdary tapshy.
Elorda mektepterinde jas pedagogtar úshin basty yntalandyrýshy sebep - hostel nemese jataqhanadan oryn berilýi. Ary qaraı jas ustazdardyń otbasylaryna arnalyp shaǵyn páterler salý kózdelip otyr.
