Elordada bilim mekemeleriniń psıhologtary biliktiligin arttyrady
NUR-SULTAN. QazAqparat – Nur-Sultanda mektep psıhologtaryna arnalǵan trenıng ótedi, dep habarlaıdy QazAqparat tilshisi.
Elordada jasóspirimderdi psıhıkalyq kúızelisten shyǵarý jáne pozıtıvti sana qalyptastyrý taqyrybynda 32 orta arnaıy bilim mekemesiniń psıhologtary úshin trenıng ótedi. Uıymdastyrýshy - «Rýhanı jaǵyrý» jobalyq keńsesi jáne «Astana Daryny» daryndylyqty damytý jáne psıhologııalyq qoldaý ortalyǵy.
Qala ákimdiginen málim etkendeı, oqý kýrsy «Sananyń ashyqtyǵy» baǵyty aıasynda ótedi jáne bir aptaǵa sozylady.
«Sananyń ashyqtyǵy» - «Rýhanı jaǵyrý» baǵdarlamasynyń bir baǵyty. Onyń aıasynda psıhologtarǵa qalaı damýǵa bolatynyn, qoǵammen jumys jasaýdy úıretemiz. Osy aptada teorııalyq bilim alatyn bes top bar. Keıinnen praktıkalyq sabaqtar bolady. Jalpy, sabaqtar 70 saǵattan asady. Trenıngti halyqaralyq tájirıbesi bar mamandar júrgizedi», - dedi Nur-Sultan qalalyq «Rýhanı jaǵyrý» jobalyq keńsesi janyndaǵy bilim berý ortalyǵynyń jetekshisi Namaz Juldyz.
Oqý baǵdarlamasynda jastardyń jáne ómirlik qıyn jaǵdaıǵa tap bolǵan kez kelgen adamnyń tanym-túsinigin keńeıtý ádisi týraly dárister bar.
«Ádette, jastar bir esik jabylsa basqa amal joq dep oılaıdy. Biz jas mamandarǵa tyǵyryqtan shyǵar joldy qalaı túsindirýge bolatynyn úıretemiz. Sananyń ashyqtyǵy arqyly túsindiremiz, óıtkeni ómirlik tájirıbedegi shekteýler affektili jáne baqylanbaıtyn minez-qulyqqa ákeledi. Aýyr kúızelis kúıinde bala ózine-ózi qol jumsaýy múmkin», - dep túsindirdi trener.
Elordalyq psıhologtarǵa arnalǵan trenıngti tájirıbeli kásibı psıhologtar ótkizedi. Trenerler tarapynan Germanııanyń «Stresti optımızmmen basqaryńyz» stresmenedjment taqyryby aıasynda keńinen aqparat beriletin bolady.
