Elordada bilim berý baǵdarlamalaryn qurýdyń negizgi ustanymdary talqylanbaq
ASTANA. Aqpannyń 12-si. QazAqparat - Aqpannyń 15-inde elordadaǵy Qazaq gýmanıtarlyq zań akademııasynda QR Bilim jáne ǵylym mınıstrliginiń bastamasymen Y.Altynsarın atyndaǵy Ulttyq bilim akademııasy «Qazaqstan Respýblıkasynda kredıtterdi aýdarý eýropalyq júıeleriniń úlgisi (ECTS) boıynsha kredıttik tehnologııalar jónindegi synaq baldarynyń júıelerin ázirleý jáne engizý» jobasy sheńberinde semınar ótkizedi,
dep habarlaıdy QazAqparat QR Bilim jáne ǵylym mınıstrliginiń baspasóz qyzmetine silteme jasap.
Vedomstvonyń taratqan aqparatyna sáıkes, semınar jumysyna QR Bilim jáne ǵylym mınıstrliginiń, respýblıkalyq bilim berý uıymdarynyń basshylary, JOO-lardyń prorektorlary, sonymen qatar bilim berý salasyndaǵy sheteldik mamandar qatyspaq.
Uıymdastyrýshylar is-sharanyń negizgi maqsaty retinde joǵary bilim berýdiń sapasyn jáne tartymdylyǵyn odan ári arttyrýdy, stýdentter men oqytýshylardyń akademııalyq jedeldigin damytýdy jáne eýropalyq bilim berýge qol jetimdilikti keńeıtýdi alǵa qoıyp otyr. Semınar barysynda Bolon protsesine qatysý bolashaǵyn, elimizdegi joǵary jáne JOO-dan keıingi bilim berý júıesine ECTS engizý tetikterin, eýropalyq kredıt júıesine kóshýdiń normatıvtik-quqyqtyq qujattarynyń jobasyn, bilim berý baǵdarlamalaryn qurýdyń negizgi ustanymdaryn talqylaý josparlanýda.
