Elordada bıler mektebin ashý usynyldy
QARAǴANDY. QazAqparat - Astanada Tóle bı, Qazybek bı jáne Áıteke bıge arnalǵan bıler mektebin ashý usynyldy, dep habarlaıdy «QazAqparat» HAA tilshisi.
Qaraǵandy oblysy ákiminiń baspasóz qyzmeti habarlaǵandaı, bıler mektebin ashý ıdeıasy Qaraǵandydaǵy «Qazybek bıdiń qyzmeti men shyǵarmashylyǵy qoǵamdyq sanany jańǵyrtýdyń mańyzdy faktory retinde» ǵylymı-tájirıbelik konferentsııada aıtylǵan.
Gýmılev atyndaǵy Eýrazııa ulttyq ýnıversıteti túrkitaný kafedrasynyń meńgerýshisi, professor Myrzataı Joldasbekov kópten beri bıler mektebin ashý týraly ıdeıany usynbaqshy bolǵanyn jasyrmady. «Qazir jastardyń kóbisi gadjetterge úńilip, qarym-qatynas jasaý qabiletin joǵaltýda, - dedi Myrzataı Joldasbekov. - Men kópten beri Astanda úsh bıge - Tóle, Qazybek jáne Áıteke bıge arnalǵan bıler mektebin ashýdy usynǵym kelgen. Bul mektepterde biz balalarǵa tarıhty, sheshendik ónerdi, dıplomatııany úırete otyryp, dástúrli qundylyqtarmen sýsyndatar edik».
Professor, sondaı-aq, Abaı Qunanbaevqa arnalǵan osyndaı mektepti ashý qajettigin atap ótti.
Ákim baspasóz qyzmetiniń aqparaty boıynsha, jazýshy jáne pýblıtsıst Aldan Smaıyl sheshendik óner kýrstaryn ashýdy usyndy.
«Óskeleń urpaqty ádemi sóılep, óz oıyn erkin jetkizýge úıretý qajet. Men Qazybek bıdiń sheshendik ónerin taqyryp boıynsha bólimderge jáne kezeńderge bólip, jastarǵa úıretýdi usynamyn», - dedi jazýshy.
Aıta keteıik, «Rýhanı jańǵyrý» baǵdarlamasy aıasynda uıymdastyrylǵan ǵylymı-tájirıbelik konferentsııa Qazybek bıdiń 350 jyldyǵyna arnalǵan.
