Elordada bıik úıden qulaǵan qurylysshyǵa qajetti medıtsınalyq kómek kórsetilip jatyr
NUR-SULTAN. QazAqparat – Elordada salynyp jatqan turǵyn úıden qulaǵan qurylysshyǵa dárigerler barlyq qajetti medıtsınalyq kómekti kórsetýde.
Bul jaıynda Nur-Sultan qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
«20 mamyrda №2 kópsalaly qalalyq aýrýhanaǵa jedel járdem qyzmetimen 1984 jyly týǵan naýqas jetkizildi. Kýágerlerdiń aıtýynsha, ol 10 metr bıiktikten qulap túsken. Aýrýhanaǵa túsken kezde naýqas es-tússiz kúıde boldy. Reanımatsııalyq sharalar dereý bastaldy. Aldyn ala dıagnoz: bastyń jabyq jaraqaty. Naýqasta sonymen birge deneniń túrli jaraqattary bar. Naýqas barsha medıtsınalyq qyzmetkerlerdiń baqylaýynda. Oǵan barlyq qajetti medıtsınalyq kómek kórsetiledi»,- dep atap ótedi vedmostvodan.
Buǵan deıin elordada salynyp jatqan turǵyn úı keshenderiniń biriniń 10-qabatynan jumysshy qulap ketkenin habarlaǵan edik.
