Elordada Bıbigúl Tólegenovanyń 85 jyldyq mereıtoıyna arnalǵan gala-kontserti ótedi
ASTANA. QazAqparat - Búgin Astanada «Astana Opera» opera jáne balet teatrynyń sahnasynda KSRO jáne Qazaqstan Respýblıkasynyń halyq ártisi, Sotsıalıstik Eńbek Eri, qazaqtyń bulbuly atanǵan Bıbigúl Tólegenovanyń 85 jyldyq mereıtoıyna arnalǵan «Súıý, úmittený jáne sený» atty gala-kontserti ótedi, dep habarlady astana-akshamy.kz.
Baǵdarlamaǵa qazaqstandyq jáne sheteldik kompozıtorlardyń operalarynan arııalar, halyq ánderi, romanstar jáne t.b. shyǵarmalar engen. Sondaı-aq, kórermender aldynda «Astana Opera» hory jáne sımfonııalyq orkestriniń qatysýymen mereıtoı ıesiniń qurmetine belgili qazaqstandyq opera ánshileri, shákirtteri, onyń dástúrin jalǵastyrýshylar, Bıbigúl Tólegenova konkýrsynyń laýreattary jáne basqalary án shyrqaıdy.
Kórme uıymdastyrylyp, onda B.Tólegenovanyń qoıy¬lymdarǵa jáne kontsertterge kıgen kostıýmderi, jeke zattary men ár jyldary alǵan marapattary qoıylady. Sonymen qatar, ánshiniń ómirine jáne shyǵarmashylyǵyna arnalǵan fotogalereıany da tamashalaýǵa bolady.
