Elordada BI Marathon ótedi
«Birneshe jyl qatarynan oyndaı sharaǵa uıytqy bolyp kelemiz. Jyldan jylǵa qatysýshylar sany arta túsýde. Máselen, alǵashqy marafonǵa 1700 adam qatyssa, ótken jyly olardyń sany 4500-ge jetti. Al qazirdiń ózinde marafonǵa qatysý úshin tirkelgenderdiń sany - 5600. Tirkeý aıaqtalǵansha taǵy da 500 adam qatarǵa qosylady dep oılaımyn», - dedi atalǵan marafonnyń ótýine arnalǵan baspasóz máslıhatynda BI Group holdıngi Dırektorlar keńesiniń múshesi Baýyrjan Isabaev.
Onyń atap ótýinshe, marafonǵa qatysý úshin tólenetin jarna tolyǵymen «BI-Juldyzaı» qoǵamdyq qoryna aýdarylatyn bolady.
«Qor 2004 jyly qurylyp, erekshe qajettiligi bar balalarǵa qarjylaı jáne áleýmettik kómek kórsetýdi júzege asyra bastaǵan edi. Odan keıin medıtsınalyq jobalardy júzege asyra bastadyq. Birinshi kezekte nege nazar aýdaramyz? Bizde tserebaldy sal aýrýyna shaldyqqan balalar kóp jáne erte kezden olardy emdep, saýyqtyrý sharalaryn qolǵa almasa úlken problema týyndaýy múmkin. Buǵan qosa biz «tálimgerlik» baǵdarlamasyn qolǵa aldyq. Óıtkeni, bizge júgingenderdiń barlyǵyn shetelge aparyp emdetý múmkin emes. Sondyqtan sheteldik bilikti dárigerlerdi Qazaqstanǵa shaqyraıyq degen sheshim qabyldadyq. Elordamyzda óte keremet medıtsınalyq mekemeler, zamanaýı qural-jabdyqtar bar. ıAǵnı, kúrdi otalardy elimizde de jasaýǵa bolady», - dedi óz kezeginde «BI Juldyzaı» qoǵamdyq qory dırektorynyń orynbasary Altynaı Táńirbergenova .
