Elordada Beısekova men Tilendıev kósheleriniń qıylysy ýaqytsha jabylady
NUR-SULTAN. QazAqparat - Sh.Beısekova jáne N.Tilendıev kósheleriniń qıylysy 28 sáýirde saǵat 21:00-den 29 sáýir saǵat 07:00-ge deıin jol jóndeý jumysyna baılanysty jartylaı jabylady, dep habarlaıdy QazAqparat qala ákimdigine silteme jasap.
Nur-Sultan qalasynyń Kólik jáne jol-kólik ınfraqurylymyn damytý basqarmasy elorda polıtsııa departamentiniń Ákimshilik polıtsııa basqarmasymen birlesip jol-qurylys jumysyn júrgizýde. Osyǵan baılanysty Sh.Beısekova kóshesi men N.Tilendıev dańǵylynyń qıylysy osy jyldyń 28 sáýiri saǵat 21:00-den 29 sáýir saǵat 07:00-ge deıin jartylaı jabylady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», - delingen Kólik jáne jol-kólik ınfraqurylymyn damytý basqarmasynyń habarlamasynda.
