Elordada beınebaqylaý kamerasy velosıped urysyn ustaýǵa kómektesti
Velosıpedter kóbinese úı kireberisinde jáne qoǵamdyq oryndarda qoldy bolady.
«26 sáýirde Nur-Sultan qalasynyń janar-jaǵar maı stantsııasy mańynan velosıped urlanǵany týraly aqparat tústi. Jedel basqarý ortalyǵynyń ınspektory beınebaqylaý kamerasymen kúdiktini anyqtap, sol jerge «Talas-51» polıtsııa patrýlin jiberdi. Kúdikti azamat ustalyp, «Almaty» aýdanynyń polıtsııa basqarmasyna jetkizildi. Velosıped ıesine qaıtaryldy. Tergeý jumystary bastaldy jáne ustalǵan adamnyń basqa da qylmystarǵa qatysy bar-joǵy tekserilýde», - dep habarlady departamenttiń baspasóz qyzmeti.
Departament qala turǵyndaryna velosıpedti arnaıy qondyrǵymen bekitip qoıýǵa keńes beredi.
«Velosıped minetin qala turǵyndary men qonaqtary artyp keledi. Sonymen birge, osy kólik túrin urlaýǵa beıimdelgender de jeterlik. Azamattar óz múlkiniń saqtalýyna jiti nazar aýdarǵany jón, ony arnaıy qondyrǵymen bekitip qoıǵan abzal. Jalpy, jyl basynan beri 40-tan astam velosıped urlanyp, onyń 19-y tabyldy», - delingen habarlamada.