Elordada beınebaqylaý kameralarynyń sany úsh esege deıin artady
NUR-SULTAN. QazAqparat- Aǵymdaǵy jyldyń sońyna deıin «Ikomek 109» jedel áreket etý ortalyǵynyń beınebaqylaý kameralarynyń sany úsh esege deıin artady, dep habarlaıdy QazAqparat tilshisi.
«Búginde astanalyqtardyń ótinish-shaǵymdaryna jaýap beretin 30 operator bar, olar 24/7 rejıminde jumys isteıdi. Azamattardan túrli baǵyttaǵy suraqtar kelip túsedi. Kez kelgen turǵyn 109-ǵa qońyraý shalý arqyly qala ómirine qatysty óz shaǵym, ótinishterin qaldyra alady. Sondaı-aq, aldaǵy ýaqytta shuǵyl áreket etýi tıis 101,102,103,104 salalary boıynsha bizdiń ortalyqta «112» shuǵyl qyzmetin iske qosýdy aldaǵy ýaqytta josparlaýdamyz. Azamattar bizge uıaly jáne statsıonar telefon arqyly, mobıldi qosymsha, áleýmettik jeliler (Facebook, Instagram) jáne qalalyq ákimdiktiń saıty nemese TelegramBOT, WhatsApp messendjeri arqyly habarlasyp, óz ótinishterin qaldyra alady. ıAǵnı, kimge qalaı yńǵaıly sol qyzmet túrin qoldanady. Degenmen kóptegen habarlama «109» arqyly qabyladanady», - dedi «Ikomek 109» jedel áreket etý ortalyǵy dırektorynyń orynbasary Berik Ahmetov QazAqparat tilshisine.
Onyń aıtýynsha, «Ikomek 109» jedel áreket etý ortalyǵyna kelip túsetin ótinish pen shaǵymdar kóbisi qoǵamdyq kólik, densaýlyq saqtaý jáne kommýnaldyq qyzmet salasyna qatysty.
«Qońyraýdyń eń kóp kelip túsetin ýaqyty tańǵy saǵat 08:00-den keshki saǵat 22:00-ge deıingi aralyq. Turǵyndardyń suraǵynan bólek bizde alǵashqy medıtsınalyq kómek boıynsha keńes beretin 2 operator bar. Olar arnaıy medıtsınalyq bilim bar mamandar. Al kelip túsetin ótinish, shaǵymdardyń oryndalý merzimine kelsek, onyń qaı qalaǵa qatysty ekenine baılanysty. Mysaly, bir turǵyn meniń úıimniń janynda qaldyq jınalmaǵan dep habarlassa biz arqyly «Astana Tazalyq»-tyń qyzmetkeri sol sátte baryp tazalaýy múmkin. Al ekinshi turǵyn bizdiń kósheniń joly nashar, jóndeý jumysyn júrgizý kerek dese, árıne sol sátte nemese sol kúni baryp eshkimniń joldy jóndep bermeıtini túsinikti. Ol úshin aldymen aýdandyq ákimdikke nemese sol kósheniń jóndeý jumysyna jaýapty kompanııaǵa habarlasyp onyń mán-jaıyn bilýimiz qajet. Al bul óz kezeginde belgili bir ýaqytty talap etedi. Turǵyndar osyndaı sátterde durys túsene bermeıdi. Ótinim men shaǵymdardyń jaýaby 3 saǵattan 1 apta keıde tipti 15 kún kóleminde daıyndalýy múmkin. Tapsyrma oryndalǵansha operator sol úshin jaýapty bolady jáne shaǵym jasaǵan turǵynǵa onyń oryndalý barysyn baıandap otyrady.
Odan bólek, «Ikomek 109» ortylyǵynda qalanyń tirshiligin baqylaıtyn 8 myńnan astam beınekamera bar. Jyldyń sońyna deıin bul kórsetkishti 30 myńǵa deıin jetkizý kózdelýde», - deıdi ol.
Dırektor orynbasarynyń sózinshe, ortalyqqa kúnine ortasha eseppen ártúrli baǵyttaǵy 150-200 shamasynda qońyraý kelip túsedi.
