Elordada beton aralastyratyn kólik teplovozǵa soǵyldy
Beton aralastyratyn kólik júrgizýshisi temir jol ótkelinen ótip bara jatyp, teplovozǵa soǵyldy. Bul aqparatty Astana qalalyq Polıtsııa departamenti rastady, dep habarlaıdy Kazinform.
«18 qazan kúni «MAN» avtokóliginiń júrgizýshisi Pýshkın kóshesimen kele jatyp, rettelmeıtin temirjol ótkelinen ótý barysynda 2.5 jol belgisi (toqtamaı júrýge tyıym salynady) talabyn buzyp, teplovozǵa soǵyldy. Zardap shekkender joq. Júrgizýshige qatysty Ákimshilik quqyq buzýshylyq týraly kodekstiń 610-baby 1-tarmaǵy (kólik quraldaryn, júkterdi, joldardy, joldaǵy jáne basqa da qurylysjaılardyń nemese ózge de múliktiń búlinýine alyp kelgen, materıaldyq zalal keltirgen kólik quraldary júrgizýshileriniń jol júrisi qaǵıdalaryn buzý) boıynsha ákimshilik is qozǵaldy», - dep atap ótedi polıtsııadan.
