Elordada bes avtobýs baǵytynyń qozǵalysy ýaqytsha ózgertildi
NUR-SULTAN. QazAqparat - Saýran kóshesiniń boıyndaǵy jol jóndeý jumystaryna baılanysty elordadaǵy bes avtobýs baǵytynyń shemasy ýaqytsha ózgertildi, dep habarlaıdy QazAqparat.
«Qalalyq kólik júıeleri» kásipornynyń málimetinshe, Saýran kóshesiniń boıyndaǵy Syǵanaq kóshesinen Almaty kóshesine qaraı ótetin joldyń bir bóligi jabylǵan. Sondyqtan №18, 28, 50, 52, 60 avtobýstarynyń qozǵalys shemasy tek osy baǵytta ýaqytsha ózgertildi. Sýrette ózgertilgen marshrýt shemasyn kórýge bolady.
