Elordada «Berekeli baspana» baǵdarlamasy boıynsha qujat qabyldaý bastaldy
NUR-SULTAN. QazAqparat - «Turǵyn úı qory» Kommýnaldyq memlekettik mekemesi «Berekeli baspana» baǵdarlamasy boıynsha qujattardy qabyldaýdy bastady, dep habarlaıdy QazAqparat Elorda Info saıtyna silteme jasap.
Baǵdarlamaǵa «áleýmettik jaǵynan osal» sanaty boıynsha kezekte turǵan azamattar qatysady. Olarǵa Uly Otan soǵysynyń múgedekteri men qatysýshylaryna teńestirilgen adamdar, múgedek balalary bar nemese olardy tárbıeleýshi otbasylary, keıbir sozylmaly aýrýlardyń aýyr túrlerimen aýyratyn adamdar, jasyna qaraı zeınet demalysyna shyqqan zeınetkerler, jetim balalar nemese ata-anasynyń qaraýynsyz qalǵan azamattar, tolyq emes otbasylar, 1 jáne 2-toptaǵy múgedekter, oralmandar, ekologııalyq zilzalalar, tabıǵı jáne tehnogendi sıpattaǵy tótenshe jaǵdaılar saldarynan baspanasynan aıyrylǵandar, memlekettik nemese qoǵamdyq mindetterin, áskerı qyzmetin oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan (qaıtys bolǵan) adamdardyń otbasylary jatady.
Páterler jekeshelendirý quqyǵynsyz, jaldamaly negizde beriledi. Bastapqy jarna engizýdiń qajeti joq. Bir jáne eki bólmeli barlyǵy 148 baspana úlestiriledi.
Qujattardy qabyldaý 6-12 tamyz aralyǵynda júrgiziledi.
Talaptar - turǵyn úı qorynan baspanaǵa muqtajdar tiziminde «áleýmettik jaǵynan osal toptar» sanatynda tirkelgen bolý.
Qujattardy qabyldaýdy «Turǵyn úı qory» KMM R.Qoshqarbaev dańǵyly, 39 (Qoshqarbaev-Jumabaev qıylysy, «Barys» TK aıaldamasy) mekenjaıy boıynsha iske asyrady .
