Elordada «Bereke bastaýy» atty nan festıvali ótýde

Osylaısha elordalyqtar Qazaqstandaǵy astyq jınaýdyń rekordtyq kórsetkishterin atap ótýdi sheshken. Eske sala keteıik, bıyl elimiz boıynsha shamamen 30 mln. tonnadan astam egin oryldy.

Astana qalasynyń Kásipkerlikti damytý bóliminiń bastyǵy Erlan Júnisovtiń aıtýynsha, festıval eń úzdik nan ónimderin shyǵarýshy kásipkerler arasynda ótkizilýde jáne onda eń úzdik óndirýshiler marapattalatyn bolady. Qazirgi ýaqytta Qazaqstan boıynsha osyndaı sharalar ótkizilýde.

Festıval barysynda kórme, baıqaýlar men úzdik mamandardyń sheberlik-synyptary uıymdastyrylmaq.

«Festıvalǵa Astana qalasynyń nan, toqash jáne kondıterlik ónimderdi shyǵarýshy 30-dan astam kásipker qatysýda. Basty maqsat - elordadaǵy nan ónimderin jurt talǵamyna usyný jáne kásipkerlerdiń iskerlik qarym-qatynastaryn damytý», - deıdi E. Júnisov.