Elordada benzın jáne dızelmen júretin kólikterge shekteý qoıylýy múmkin

Elordada benzın jáne dızelmen júretin avtokólikterdi qala aýmaǵyna kirgizýdi shekteý jaǵy qaralyp jatyr, dep habarlaıdy Kazinform.

«Bıyl bizdiń basqarma London tájirıbesine sáıkes qala aýmaǵynda tómen remıssııa aımaǵyn qurýdy usyndy. Ázirge pılottyq joba retinde. Jobanyń maqsaty men basty ıdeıasy — benzınmen júretin avtomobılderdiń qalaǵa kirýine shekteý qoıý. Bul sonymen qatar aýany joǵary deńgeıde lastaıtyn dızelge de qatysty. Aımaq zonasyna kirer jerde jáne basty kósheler qıylystarynda belgiler qoıylady», — dedi Astana qalasynyń qorshaǵan ortany qorǵaý jáne tabıǵat paıdalaný basqarmasy basshysynyń mindetin atqarýshy Erlan Berdalın qalalyq máslıhattyń turaqty komıssııa otyrysynda.

Spıker málimdegendeı, qazir atalǵan usynys qaralyp jatyr.

Buǵan deıin bıyl alty aıdyń ishinde Astana avtokólikteri aýany lastap, 27 myń tonna zııandy zattar shyǵarǵanyn habarlaǵan edik.