Elordada belsendi ákeler bas qosty
Іs-shara Aqparat jáne qoǵamdyq damý mınıstrliginiń qoldaýymen Azamattyq bastamalardy qoldaý ortalyǵynyń granttyq qarjylandyrýy aıasynda «En baqytty el» QQ-men uıymdastyryldy.
Dıalog alańynyń jumysyna Mınsk qalasynyń «Ákeler keńesi» qoǵamdyq birlestiginiń basqarma tóraǵasy A.Velıchko (Belarýs Respýblıkasy), Shymkent qalasynyń ákeler keńesiniń basshysy, sýdıa E.Otarbaev, «UNFPA Qazaqstan» ókili ıÝ.Lysenkova, qoǵam qaıratkerleri, tájirıbeli psıhologtar men Qazaqstannyń belsendi ákeleri qatysty.
Qazaqstan Respýblıkasy Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Sh.Baımanov otbasy saıasaty salasynda júrgizilip jatqan jumystar, otbasy ınstıtýtyn nyǵaıtý jáne qoldaý boıynsha iske asyrylyp jatqan jobalar men baǵdarlamalar týraly baıandady.
Mınsk qalasynyń «Ákeler keńesi» qoǵamdyq birlestiginiń basqarma tóraǵasy A.Velıchko ákelerdi qoǵamdastyqqa tartý boıynsha óz tájirıbesimen bólisti.
Shymkent qalasy ákeler keńesiniń basshysy, sýdıa E.Otarbaev mektepterde ákelerdi biriktirýdegi óz tájirıbesi týraly aıtyp ótti.
ıÝ.Lysenkova «UNFPA Qazaqstan» uıymynyń áke ınstıtýtyn damytý jónindegi qyzmeti jáne osy baǵytta júrgizilip jatqan zertteýleri týraly qatysýshylardy habardar etti.
Qatysýshylar dıalog alańy sheńberinde ákelerdi tárbıe protsesine jumyldyrý, Qazaqstan mektepterinde ákeler birlestikteriniń jelisin damytý, otbasyn qoldaýǵa baǵyttalǵan jobalardy iske asyrý boıynsha usynymdar engizdi.
Sondaı-aq, forým aıasynda «Jaýapty áke bolýdy qalyptastyrý quraldary», «Tolyq emes otbasynan shyqqan jasóspirimderde áke bolý týraly túsinikterdi qalyptastyrý», «Agressıvti erlerdiń kómekke júginýiniń psıhologııalyq praktıkasy» taqyryptarynda master-klasstar, konkýrstar men aktsııalar qarastyrylǵan.
