Elordada belgilengen baǵamen 80 myń tonna qant satyldy
ASTANA. QazAqparat - Elordada qant belgilengen baǵa boıynsha 8 saýda ornynda satylýda, dep habarlaıdy QazAqparat qala ákimdiginiń saıtyna silteme jasap.
Qalalyq Investıtsııalar jáne kásipkerlikti damytý basqarmasynyń aqparaty boıynsha, turaqtandyrý qorynyń ónimderi qaladaǵy saýda oryndaryna shyǵarylýda. Turaqtandyrý qory azyq-túlik taýarlarynyń biraz bóligine baǵany tejeýge múmkindik beredi.
«Jyl saıyn osy kezde qant baǵasynyń maýsymdyq ósýi baıqalady, ol jemis-jıdektiń pisip, turǵyndardyń jappaı qysqa azyq-túlik daıyndaýyna baılanysty bolatyn jaǵdaı. Qazirgi kezde qaladaǵy 8 saýda keshende («Stolıchnyı», «Shapaǵat», «Álem» SÚ, «Bahýs», «Merken», «Aprel», «Kerýen» SO) belgilengen baǵamen 80 myń tonna qant saýdalanǵan», delingen habarlamada.
Turaqtandyrý qorynda barlyǵy 1 247 tonna azyq-túlik bar, onyń ishinde 1 161 tonna qant, 46 tonna kúrish, 40 tonna qaraqumyq saqtalǵan.
Vedomstvonyń aıtýynsha, joǵaryda atalǵan azyq-túlik túrlerine baǵa turaqty.
Sondaı-aq, baǵanyń saqtalýyna turaqty negizde monıtorıng júrgiziledi, eger taýar qunynda belgilengen shekten alshaqtyq anyqtalǵan jaǵdaıda tıisti sharalar qabyldanady.
Osyǵan deıin habarlanǵandaı, ótken aımen salystyrǵanda qyryqqabattyń baǵasy 38%-ǵa, kartop - 14%-ǵa, pııaz - 6,3%-ǵa tómendegen. Al qant baǵasy 0,4%-ǵa arzandaǵan.
