Elordada Belarýs Elshiliginiń jańa ǵımaraty ashyldy
Resmı ashylý rásimine Qazaqstan Respýblıkasy Premer-Mınıstriniń orynbasary Roman Sklıar, Belarýs Respýblıkasy Premer-Mınıstriniń birinshi orynbasary Aleksandr Týrchın, sondaı-aq, eki eldiń iskerlik jáne dıplomatııalyq ortalarynyń ókilderi qatysty.
Etnıkalyq beınesi men keń fýnktsıonaldy múmkindikteri bar Belarýs elshiliginiń jańa zamanaýı kesheni qalanyń qarqyndy damyp jatqan aýdanynda, Qoshqarbaev kóshesi 9-da ornalasqan, oǵan jaqyn mańdarda basqa elderdiń elshilikteri, konventsıonaldyq, bilim berý, mádenı-oıyn-saýyq mekemeleri, qyzmet kórsetý jáne tamaqtaný kásiporyndary ornalasqan.
Ashylý rásimi kópqyrly qazaqstandyq-belarýstik dıalogtyń damý tarıhynda mańyzdy tarmaq bolyp sanalady, al Qazaqstandaǵy Belarýs jeriniń bólshegi bizdiń azamattarymyzdyń ál-aýqaty men órkendeýiniń ósýine baǵyttalǵan ekijaqty qarym-qatynastardyń barlyq spektri boıynsha ózara tıimdi yntymastastyqty arttyrý úshin jańa múmkindikter ashylatyn jer bolmaq.
Qazaqstan Respýblıkasyndaǵy Belarýs Respýblıkasynyń Elshiliginiń Ǵımarattar kesheniniń jobasyn «Turǵyn úı ınstıtýty – S.S. Ataev atyndaǵy ǴZJTQI» MM ázirlegen.
Elshiliktiń ǵımarattar kesheni ákimshilik ǵımarattan turady, onda qabyldaý zaly, konferents-zal, kelissózder bólmesi, qyzmetkerlerdiń kabınetteri, kitaphana, sondaı-aq turǵyn úı bar, turǵyn úıde 10 páter, 2 qonaq úı bólmesi, jerasty parkıngi jáne Belarýs Respýblıkasy Elshisiniń rezıdentsııasy qarastyrylǵan.
Belarýs Elshiligi «dıplomattyq oramda» ornalasqan, bul jerde AQSh, Koreıa Respýblıkasynyń elshilikteri, Reseı Elshisiniń rezıdentsııasy bar, sondaı-aq birqatar dıplomatııalyq ókildikterdiń (QHR, BAÁ, Saýd Arabııasy, Ózbekstan ) ǵımarattarynyń qurylysy júrgizilýde.
