Elordada Bekturov kóshesinde kólik qozǵalysy toqtatyldy
NUR-SULTAN. QazAqparat - Elordada jóndeý jumystaryna baılanysty Ábiken Bekturov kóshesinde kólik qozǵalysy toqtatyldy, dep habarlaıdy QazAqparat qala ákimdigine silteme jasap.
«E67 kóshesinen E22 kóshesine deıingi ýchaskede E49 kóshesin (Ábiken Bekturov) salý» jobasy sheńberinde jol-qurylys jumystary júrgizilýde. Osyǵan baılanysty osy jyldyń 28 aqpanynan bastap E69 kóshesinen E22-ge deıingi aralyqtaǵy Ábiken Bekturov kóshesinde kólik qozǵalysy toqtatyldy», - dep habarlaıdy Kólik jáne jol-kólik ınfraqurylymyn damytý basqarmasy.
Qala kóshelerinde keptelis týdyrmas úshin júrgizýshiler qozǵalys baǵytyn aldyn ala josparlaýy qajet.
«Qolaısyzdyq úshin keshirim suraımyz jáne jóndeý jumystaryna túsinistikpen qaraýdy ótinemiz. Atalǵan shara ýákiletti organ Ákimshilik polıtsııa basqarmasymen kelisildi», - delingen habarlamada.
