Elordada bazar órtendi

NUR-SULTAN. QazAqparat - Búgin elordadaǵy «Ámir» ámbebap bazary aýmaǵynda órt boldy. Bul týraly Nur-Sultan qalalyq tótenshe jaǵdaılar departamentinen málim etti, dep habarlaıdy QazAqparat tilshisi.

«Búgin saǵat 16-14-te Nur-Sultan qalalyq TJD órt sóndirý bólimshesine Alash tas joly 29/2 mekenjaıynan shaqyrtý tústi. Oqıǵa ornyna barǵan kezde «Ámir« ámbebap bazarynda boljamdy aýmaǵy 300 sharshy metr bolatyn qoıma ǵımaratynyń shatyry órtenip jatqany anyqtaldy», - dep atap ótedi vedomstvodan.

Órt sóndirýshiler saǵat 17-08-de jalynnyń betin qaıtardy. Qazirgi ýaqytta órtti tolyqtaı sóndirý jumystary júrgizilip jatyr. Tilsiz jaýmen kúreske órt sóndirý qyzmetiniń 32 mamany men 10 tehnıkasy jumyldyrylǵan.

«Qaza tapqandar men zardap shekkender joq», - dep naqtylady departamentten.